Kumpulan Bobodoran Sunda Nu Mabok - Wirza Naimbrayen Dika

Sanggeus meakeun minuman keras 2 galon, Si Lalaki anu diuk di juru warung ngajorowok bari ngagedor meja :

+ Ceu, cing menta endog dua siki ... !!!

- Bade dikulub atanapi bade digoreng kang ... ?

+ DEK DIHAKAN ATTAHHH ... !!!



Ngitung Sorangan
Patugas : Sabaraha ayeuna yuswa Nini ?
Nini : Ah ukur béda lima taun jeung Si Aki mah.
Patugas : Ari yuswana aki sabaraha?
Nini : Ari Ujang téh kumaha? Pan ceuk Nini ogé tadi ngan béda lima taun. Itung wé atuh sorangan ! 

Hapé Canggih
Bapa : Jang, pangmencétan­keun tonggong bapa !
Ujang :  Teu usum dipencét Pa, ayeuna mah usumna anu di­sentuh.

Kabeurangan
Tono muka panto kelas …
Tono : Punten bu, abdi kasiangan. 
Guru : Nya teu nanaon, tutup wéh pantona.
Tono : Haturnuhun, buu ...
Geblug panto kelas nutup, tapi euweuh nu asup da Tono mah balik deui ka imah.
Guru : Har! (colohok kana panto)

Kapal Selam

Guru : Ari Udan téh ngagambar naon mani saé-saé teuing ?
Udan : Kapal selam Bu Guru.
Guru : Mana kapal selamna? Geuning ieu mah gambar laut ?
Udan : Ari Bu Guru, di mana-mana ogé kapal selam mah di jero laut. Moal katingali atuh!